Waziri aimiriraye kithengo cha mila zehu CEC Dr. Ruth D. Masha, vivi rero atsanganyikana na athumia hamwenga na anatsi kahi za eneo ra Jaribuni ko Kauma ili kukumbukira mokoli wehu arepiganira uhuru wa amidzichenda, shujaa Mekatilili wa Menza.
Waziri Dama adzahumira kadzanya kako kuasisithiza anatsi aa Kilifi maenderere kuthuwa na kugwira mila za kimidzichenda na mavale roho here ra Mekatlili ariye kala thongoryi ahenzanaye na anziye na kuapa marifa ga kudzikombola.
Kidza Dama adzaragizira kala here amidzichenda,hunalika urumwengu pkwa kuyika Gedi Ruins kahi za ramani ya dhunia, hathua iiyo akiihadza kala indatsangira habomu kukula pkwa Utalii wehu wa Kilifi.
Mekatilili wapiga viha vibomu na akoloni miaka ya 1913 na 1914 na here amidzi, hundazidhi kumukumbukira na huhumire mwanya uwo huzidhi kuatsunza athumia ehu midzini mana ao ndo madimao kufuthalira kikarakara mautu ga ho chaho.